Говь-Алтай аймаг

    Монгол Улсын баруун зүгт, зүүн талаараа Баянхонгор, хойд талаараа Завхан, баруун талаараа Ховд, өмнөд талаараа БНХАУ-тай хил залган оршино. Аймгийн БНХАУ-тай хиллэдэг хилийн урт 360 км болж тэмдэгтээр нь хилийн 128-171 дүгээр тэмдгээр тэмдэглэгдсэн. Дэлхийн цагийн 6 дугаар бүсэд байрладаг.

Байгуулагдсан:               1940 он                    Year of establishment:               1940

Аймгийн төв:                 Алтай хот                 Aimag center:                            Altai city

Сумын тоо:                     18                              Aimag soums:                           18

Газар нутгийн талбай:  141.447.67 kм²         Territory:                                    141.447.67 km² 

Улаанбаатар хотоос:      1001 км                    Distance from Ulaanbaatar city: 1001 km

Хүн ам:                           58.471 (2018 он)      Population:                                 58.471 (2018)

Угсаатан:                         Халх                        Nationals:                                   Khalkha                    

Утасны код:                     +976 (0) 148           Telephone code:                         +976 (0) 148

Шуудангийн дугаар:       82000                      Postal code:                               82000

ТХ-ийн улсын дугаар:    ГА                           Transport vehicle state number: GA

ISO 3166-2:                      MN-065                  ISO 3166-2:                               MN-065

Цахим хуудас:                govi-altai.gov.mn         Website:                                govi-altai.gov.mn 

Говь-Алтай аймгийн 9 бахархал

9 prides of Gobi-Altai aimag

1. Ээж хайрхан уул

    Цогт сумын нутагт орших Алтайн өвөр говийн хязгаар дахь үзэсгэлэнт уул нуруудын дотор өөрийн өвөрмөц дүр төрхөөрөө "Ээж Хайрхан" уул тод ялгардаг билээ. Байгалийн дурсгал болохоос гадна түүхийн дурсгал болсон энэ уулыг 1992 онд Улсын Бага Хурлын 11-р тогтоолоор Тусгай хамгаалалтад авч, улмаар Монгол Улсын Их Хурлын 1995 оны 26-р тогтоолоор байгалийн дурсгалт газар болгон улсын тусгай хамгаалалттай газраар бүртгэсэн.

    Ээж хайрхан ууланд гадаад дотоодын аялагчдыг татах байгалийн өвөрмөц тогтоц ховор сонин үзмэрүүд олон бий. Тухайлбал: Чулуулгын судал даган тогтсон 9 тогоон хонхортой, 9 тогооны эхэндээ бяцхан баян бүрдтэй бөгөөд энэ баян бүрдийг нутгийн хөгшид даяанч ламын зуслан гэлцэн ам дамжин домог болгон ярьж байдаг билээ. Эдгээрээс гадна Ембүү хад, Мэлхий хад, Эхийн хэвлий хад, Тагтаа хад, Хүүхэн хэл, Театрын суудал, Түшмэдийн суудал, Боов хад зэрэг сонин тогтоц бүхий хаднууд бий. 

    Ембүү хаданд мөргөн залбирсан хүн 9 үеэрээ эд мөнгөөр элбэг, дэлбэг явна гэж сүсэглэдэг, Эхийн хэвлий хадаар гарсан хүн ахин төрсөнтэй адил болно гэж сүсэглэдэг, Тагтаа хаданд үр хүүхэд тогтдоггүй айл ирж сүсэглэн үр хүүхэдтэй болсон жишээ олон бий.

Location: 44.899216 , 96.205879

2. Бурхан буудай уул